TOVAR BELGISIDAN FOYDALANISH HUQUQINI BERISH TO'G'RISIDA ODDIY NOMUTLAQ LISENZIYA SHARTNOMASI

Mazkur shartnoma Litsenziar hamda Litsenziat o‘rtasida tuzilgan bo‘lib, unga ko‘ra Litsenziar Litsenziatga O‘zbekiston Respublikasi hududida tovar belgilari bo‘yicha guvohnomalar amal qilish muddatlari doirasida foydalanish uchun tekin (bepul) asosda oddiy nomutlaq litsenziya beradi. Litsenziat tovar belgilaridan faqat guvohnomalarda ko‘rsatilgan tovar va xizmatlar sinflari doirasida, qonun talablariga rioya etgan holda foydalanishi, sifat standartlarini ta’minlashi hamda har chorakda foydalanish to‘g‘risida hisobot taqdim etishi shart. Litsenziar o‘z navbatida tovar belgilarining huquqiy himoyasini ta’minlaydi, ularni o‘z vaqtida yangilaydi va noqonuniy foydalanish holatlariga qarshi choralar ko‘radi. Shartnoma O‘zbekiston Respublikasi Adliya vazirligida davlat ro‘yxatidan o‘tkazilgan kundan kuchga kiradi va guvohnomalar amal qilish muddati tugaguniga qadar faol bo‘ladi.